Character: Saas, 55–65 years
Emotion: Taunting → Frustrated → Cruel Confidence
Duration: Approximately 1 minute

Background Story: Kamla Devi ki bahu ki teen betiyan hain. Kamla Devi ko ghar ka waaris sirf beta chahiye. Woh apni bahu ko taane maarti hai aur maanti hai ki bahu ne uske bete ka vansh aage badhane ki umeed tod di hai.

INT. SASURAL – LIVING ROOM – DAY

Kamla Devi sofa par baithi hai. Bahu kitchen mein kaam kar rahi hai. Saas apni padosan se baat karte hue bahu ko taane maarti hai.

SAAS (KAMLA DEVI):

Arey behen, kya bataun tujhe, meri toh kismat hi phooti padi hai!

Teen-teen ladkiyan paida kar di meri bahu ne, lekin ek pota nahi de paayi!

Ab ghar ka waaris kaun banega? Meri itni badi jaaydaad, mera naam aage kaun badhayega?

(Bahu ki taraf dekhkar)

Aur isse dekho, Aise ghoomti hai jaise bahut bada teer maar liya ho.

Arey, maa banna koi badi baat nahi, ghar ka chirag paida karna badi baat hai

(Taana maarte hue hansti hai)

Mere zamaane mein toh auratein ghar bhi sambhalti thi,

bachche bhi paalti thi, aur apne sasural ki izzat bhi rakhti thi.

Lekin aajkal ki bahuon ko dekho, bas apni marzi chalani hai

(Gusse mein uthkar bahu ki taraf badhti hai.)

Sun bahu, Abki baar mujhe beta hi chahiye. Samjhi?

Mujhe aur koi bahaana nahi sunna!

(Thodi der rukti hai, phir kadwi muskurahat ke saath.)

Teen betiyon ki maa ban kar itna itraati hai…

Jis din pota meri god mein degi na… us din bataungi tujhe ki asli waaris kise kehte hain!

Kamla Devi apna dupatta theek karti hai aur wahan se chali jaati hai.