Character: Ramesh — ek ziddi aadmi, jo doctor ke paas aana apni beizzati samajhta hai.

INT. DOCTOR KA CLINIC – DAY

(Ramesh examination table par baitha hai. Doctor ko gusse mein samjha raha hai.)

RAMESH

Dekho Doctor sahab, main apni biwi ko teen hafton se samjha raha hoon ki mujhe kuch nahi hua hai!

Main roz garage mein gaadiyan theek karta hoon. Wahan beemar pad gaya na,

toh malik seedha ghar bhej dega. Phir ghar ka kharcha kaun chalayega?

Bas baar-baar susu aata hai… kabhi-kabhi khoon bhi aa jaata hai.

Toh kya hua?

Ab aap bologe daaru peena band kar do!

Arre, jab apne bhai ki maut ke baad maine cigarette chhod di, toh daaru bhi chhod dunga!

(Doctor ko ungli dikhaate hue.)

Lekin mujhe pata hai, yeh sab sarkaar ka chakkar hai!

Pehle logon ko darao, phir doctor ke paas bhejo, phir unki jeb khaali karo!

Humare yahan aisa nahi hota, Doctor sahab. Hum faltu mein paise nahi udaate.

Mere baapu ko ek baar kheton mein machine se gehra zakhm lag gaya tha.

Khoon beh raha tha, haddiyan dikh rahi thi!

Pata hai unhone kya kiya?

Ghar se kapda uthaya, haldi lagaayi aur patti baandh li!

(Garv se seena phulaata hai.)

Ek hafte baad guzar gaye… lekin aakhri saans tak doctor ke paas nahi gaye!

(Rukta hai, phir doctor ki taraf dekhkar.)

Mujhe koi dawa nahi chahiye. Main daaru chhod dunga. Bas, baat khatam!

(Kuch pal chup rehta hai. Phir mayoosi se sir hilaata hai.)

Hai Ram…

Pata nahi aajkal duniya ko kya ho gaya hai.

Sabko doctor chahiye… aur kisi ko apne baapu jaisa dum nahi chahiye!

(Doctor ko dekhta hai, jaise usne bahut badi baat keh di ho.)

————-

Acting note:

 Ramesh ko comedian ki tarah mat Dekho. Woh sach mein maanta hai ki woh sahi hai.

Uska confidence, bekaar logic aur baapu par garv hi scene ko funny aur dark banayega.